Një shimpanze është filmuar duke drejtuar një biçikletë e duke spërkatur me dezinfektues ambientet e një prej kopshti zoologjik në Tajlandë. Majmuni u filmua në kopshtin “Samutprakarn” pranë Bangkok në Tajlandë, që është gjithashtu i njohur si fermë krokodilësh. Shefat përdorën majmunin, për të promovuar punën që ata po bëjnë kundër pandemisë covid-19.
Në pamje kafsha inteligjente mban edhe një maskë në fytyrë dhe një këmishë havaiane, teksa pedalon një biçikletë fëmijësh me një bidon të madh dezinfektuesi nga prapa.
Kjo është quajtur si diçka mizore nga aktivistët e mbrojtjes së të drejtave të kafshëve. Vitin e kaluar disa pamje nga ky kopsht tregonin një elefant të dobësuar kockë e lëkur,ë që goditej me shkopinj bambuje nga kujdestarët, për ta nxitur të performonte.
Drejtori i fermës së kafshëve të egra, Uthen Yangpraphakorn, tha: “E kemi mbyllur që kur qeveria dha urdhrat për virusin, kështu që tani nuk kemi shumë për të bërë. E pastrojmë shpesh vendin dhe nëse qeveria na lejon ta hapim, jemi gati të presim përsëri vizitorë. Ky shimpanze stërvitet edhe në fermë, por e sollën këtu për të çliruar pak gjymtyrët”.
VAZHDO TË LEXOSH MË TEPËR PËR TEMËN
“Depresioni më i thellë që nga vitet ’30”
“Bota nën Covid-19”
“Izolimi ka efekt te shëndeti mendor”
