Edhe pse gati të gjitha vendet po ecin përpara me planet për të rihapur ekonomitë e tyre, drejtori i Qendrave për Kontrollin dhe Parandalimin e Sëmundjeve në SHBA paralajmëroi të se një valë e dytë e koronavirusit të ri do të jetë shumë më e keqe, sepse ka të ngjarë të përkojë me fillimin e sezonit të gripit.
“Ekziston mundësia që sulmi i virusit dimrin e ardhshëm në të vërtetë do të jetë edhe më i vështirë sesa ai që po kalojmë,” tha drejtori i CDC Robert Redfield në një intervistë për “Washington Post”. “Dhe kur ua them këtë të tjerëve, ata e kthejnë kokën prapa, ata nuk e kuptojnë se çfarë dua të them.”
“Ne do të kemi njëkohësisht epideminë e gripit dhe epideminë e koronavirusit,” tha ai. “Të kesh dy shpërthime të njëkohshme të frymëmarrjes do të sillte një tendosje të paimagjinueshme në sistemin e kujdesit shëndetësor”, theksoi ai. Vala e parë e covid-19, sëmundja e shkaktuar nga koronavirusi, ka vrarë tashmë më shumë se 42,000 njerëz në të gjithë vendin.
Ajo ka sjellë pranë kolapsit mjaft spitale në botë duke zbuluar mungesën në pajisjet e testimeve, ventilatorët dhe pajisjet mbrojtëse për punonjësit e kujdesit shëndetësor.
Në një intervistë të gjerë, Redfield tha që zyrtarët federal dhe shtetëror duhet të përdorin muajt e ardhshëm për t’u përgatitur për atë që qëndron përpara. Ndërsa ngriten urdhrat e qëndrimit në shtëpi, zyrtarët duhet të theksojnë rëndësinë e vazhdueshme të distancimit shoqëror.
Zyrtarët gjithashtu duhet të shkallëzojnë masivisht aftësinë e tyre për të identifikuar të infektuarit përmes testimit dhe të gjejnë të gjithë ata që ndërveprojnë përmes gjurmimit të kontaktit. Duke vepruar kështu parandalon që rastet e reja të bëhen shpërthime më të mëdha.
VAZHDO TË LEXOSH MË TEPËR PËR TEMËN
“Shkenca në stres”, fake news në garë me rezultatet
Analiza/ Covid-19 ka qarkulluar prej dekadash në mesin tonë!
Covid krijon pak imunitet, testimet bënë diferencën në Gjermani
