Bashkëshortja e Bill Gates, Melinda, tha në një intervistë për BBC Radio se ajo dhe burri i saj, Bill, kishin ruajtur ushqime në bodrumet e tyre për vite me rradhë, në pritje të një pandemie ose një katastrofe tjetër.
“Shumë vite më parë, ne kishim biseduar, çfarë do bënim sikur të mos kishte ujë të pastër? Po sikur të mos kishte ushqim të mjaftueshëm? Ku mund të shkojmë? Çfarë mund të bëjmë ne si familje?” tha ajo në emisionin radiofonik.
“Kështu që unë mendoj se duhet t’i lëmë ato përgatitje t’i kemi rezervë. Por absolutisht ne i kishim përgatitur dhe patëm disa ushqime në bodrum për çdo rast” – shtoi ajo.
Business Insider raportoi më herët se Bill Gates ka paralajmëruar për një pandemi prej shumë vitesh, duke thënë në një emision në vitin 2015 se bota nuk ishte “gati për epideminë tjetër”.
Dy vjet më vonë në një artikull në vitin 2017 për Business Insider, ai shkroi se epidemia tjetër mund të jetë “një lloj super ngjitës dhe vdekjeprurës i gripit”.
