Duket se vendet evropiane janë të ndara në dysh sa i përket rinisjes së sezonit. Belgjika dhe Holanda kanë mbyllur sezonet, duke dhënë verdiktet me fitues ose jo, ndërsa Gjermania, Polonia dhe ndonjë shtet tjetër janë deklaruar datat për të ninisur në maj. Në Itali, Spanjë e Francë ka shumë diskutime.
Po Premier League? Legjenda e Anglisë, Gary Lineker, ka folur në lidhje me vazhdimin e Premier League dhe mendon se do të ketë të njëjtin fat ashtu si kampionati holandez. Ai e ka shprehur opinionin e tij në Twitter.
Lineker është shprehur se sezoni duhet të pezullohet dhe të ndiqet shembulli i Holandës. Titulli të mbetej vakant dhe të mos jepej, ndërsa nuk do të ketë rënie nga kategoria.
“Mund të jetë e vetmja zgjidhje”, – shkruan shkurtimisht ai. Nuk kanë munguar kundërpërgjigjet dhe një prej tyre është Jamie Carragher. Ky i fundit mendon se sezoni duhet të mbyllet, pasi të kalojë pandemia e COVID-19.
VAZHDO TË LEXOSH MË TEPËR PËR TEMËN
Covid-19 drejt fundosjes financiarisht të futbollit
Klubet angleze zhvlerësohen me 1.8 miliardë paund
Thyen rregullat, del formacioni Covidiot-11
