Mbrëmjen e sotme, një grupim të ri iniciativash të disa prej solistëve dhe instrumentistëve të TKOB-së, prezanton “Opera me pizhama”, një tjetër performancë shpirti.
“Performance Soul”, prej perëndimit të diellit të Leonard Dedës e Zef Lekajt, te këngët e rinisë së Agim Krajkës e Zhuljana Jorganxhisë; nga vitet 1900 me “Intermezzo”-n e Manuel Ponce, tek jazz-i i viteve ‘30 me “Dream a little dream of me” (më shumë se 60 versione në të gjithë botën) apo tek paso doble e operas me tre akte “El gato montes” (Macja e egër).
Izolimi në shtëpi dhe iniciativat artistike nga shtëpia, kanë nxitur instrumentistët të gjejnë, krijojnë dhe interpretojnë në mënyrë të veçantë dhe alternative, ndryshe nga skena e Teatrit të Operas dhe Baletit, ku publiku është mësuar gjithmonë t’i identifikojë me muzikën klasike.
“Performance Soul”, sonte mbrëma, ora 20:30, në kanalin e TKOB-së në Youtube dhe livestream në faqen e TKOB-së në facebook.
VAZHDO TË LEXOSH MË TEPËR PËR TEMËN
‘Ilia Terpini më shpëtoi nga vdekja’
‘1 ledhatim dhe 10 fshikullime, mësohu me jetën’
“Carmen” shkon në Korçë
