Përgjysmohet shitja e librave në Gjermani. Kjo, pasi libraritë kanë mbetur të mbyllura për javë të tëra. Por, prej datës 20 prill, libraritë në Gjermani janë hapur përsëri. Ato u mbyllën me detyrim për një muaj, përveç disave në Berlin, ku lejohej blerja, duke zbatuar rregullat e higjenës.
Megjithatë, dëmi financiar për këto javë në izolim, është i madh. Shifrat flasin për gjysmë miliardë euro.
Disa nga shtëpitë botuese gjermane, janë skeptike edhe kur të rihapen libraritë… Sipas tyre, shitjet s’do të përmirësohen shpejt.
“Njerëzit janë të shqetësuar për shëndetin dhe s’ma merr mendja se do të shpenzojnë para për libra” – shprehet Dirk Rehm, nga shtëpia botuese “Reprodukt”.
Shtëpitë botuese të vogla, janë më të prekurat nga koronavirusi. Anulimi i panairit të Lajpcigut, si dhe i takimeve të leximit kanë ndikuar shumë, duke i bërë librat “të padukshëm”.
VAZHDO TË LEXOSH MË TEPËR PËR TEMËN
A do ta shpëtojnë botën librat?
“Gjeorgjikat” e Virgjilit dhurata e familjes Dema
