Profesor i biologjisë në Harvard dhe sipërmarrës. Timothy Springer, pa të ardhme premtuese në një firmë të re bioteknike, një dekadë më parë dhe bëri një investim të hershëm. Tani, kryesisht si rezultat i atij “basti” – një kompanie në Masaçusets, të quajtur “Moderna” – ai është një miliarder, raporton “Forbes”.
Kjo pasi që aksionet e kompanisë “Moderna”, që aktualisht ka një vaksinë për covid-19, në provat klinike njerëzore, u rritën më shumë se 12 për qind, vetëm këtë javë. Kjo rritje e ka shndërruar Springerin, në miliarder: sipas “Forbes”, ai tanimë vlen 1 miliard dollarë bazuar në kapitalin e tij prej 3.5 për qind të kapitalit në “Moderna” dhe aksionet në tre kompani më të vogla bioteknike.
“Filozofia ime është të investosh në atë që di, unë jam shkencëtar me zemër. Më pëlqen të zbuloj”, – ka thënë Springer, 72 vjeç, për “Forbes”. “Shumë shkencëtarë fillojnë kompani, por pak janë të suksesshëm. Unë jam një investues aktiv e njëkohësisht, shkencëtar shumë i rreptë…”.
Të martën, “Moderna” njoftoi se Administrata e Ushqimit dhe Barnave në SHBA, gjurmoi me shpejtësi kandidatin e saj për vaksinat covid-19, duke i dhënë një shtysë përpjekjes për të zhvilluar vaksinën e parë për sëmundjen.
“Moderna” ishte kompania e parë që filloi provat njerëzore për vaksinën e saj, më 16 mars, në Seattle. Aksionet e kompanisë janë trefishuar në vlerë, që kur më 11 mars, OBSH e shpalli covid-19, pandemi.
I pandikuar nga pasuria e tij e re, Springer ende udhëton me biçikletë, për të punuar çdo ditë në Kembrixh, Masaçusets, ku ai bën kërkime në laboratorike. Luksi i tij i vetëm, thotë Springer, është shtëpia. “Më pëlqen kopshtaria dhe mbledh gurët… nuk kam nevojë për para. Kam një mënyrë jetese akademike”.
Gjithashtu, ai po jep kontribut me pasurinë e tij, për kërkime shkencore: Në vitin 2017, ai dhuroi 10 milionë dollarë, për të themeluar Institutin për Inovacionin e Proteinave, një institucion jofitimprurës, i pavarur dhe i përkushtuar për të studiuar shkencën e proteinave, duke ndihmuar sipërmarrësit bioteknikë të realizojnë idetë e tyre.
VAZHDO TË LEXOSH MË TEPËR PËR TEMËN
“Dëmi mund të jetë i përhershëm”!
“Mirë se vini në këtë botë, Korona dhe Covid!”
“Duajeni njëri-tjetrin, mos i shkoni dëm këto ditë”
