MENU
klinika

Kallashnikovët ishin në makinë

Vritet 25-vjeçari në Vlorë, autorët i vënë flakën mjetit

24.05.2020 - 08:10

Një krim i rëndë ka tronditur Vlorën, ku një i ri ka mbetur i vrarë. Ngjarja ka ndodhur në lagjen “Uji i Ftohtë”, pranë zonës së quajtur “7 pallatet”. Bëhet me dije se në rrethana ende të paqarta është vrarë në rrugë dyshohet me armë zjarri 25-vjeçari Kristjan Breshanaj.

Po ashtu Mehmeti raporton se ndaj të riut është qëlluar 5 here me armë zjarri. Forca të shumta të policisë kanë shkuar menjëherë në vendngjarje, janë ngritën pika kontrolli dhe vijon krehja e zonës për kapjen e autorit/ëve.

kolana e librave

Gjatë krehjes së zonës, në një nga rrugicat e lagjes “10 Korriku” Vlorë, shërbimet e Policisë kanë konstatuar në flakë një automjet, brenda të cilit është gjetur një armë zjarri automatik kallashnikov, e cila dyshohet të jetë arma e krimit.

Policia e Vlorës ka nisur të shoqërojë persona që mund të kenë dijeni për rrethanat e krimit.
Grupi hetimor nën drejtimin e Prokurorisë vijon punën për grumbullimin e çdo prove të vlefshme me qëllim zbardhjen e rrethanave të ngjarjes, identifikimin dhe kapjen e autorit/ëve.