Para Parlamentit të Serbisë në Beograd është vendosur një banderolë me fytyrat e krerëve të luftës së UÇK-së dhe krerëve politikë të Kosovës.
Stema e Ushtrisë Çlirimtare të Kosovës, fytyra e presidentit Hashim Thaçi, kreut të Nismës Socialdemokrate, Fatmir Limaj, kreut të Aleancës për Ardhmërinë e Kosovës Ramush Haradinaj dhe fytyra e kreut të Partisë Demokratike të Kosovës, ish-kryeparlamentarit Kadri Veseli, janë vendosur në këtë banderolë dhe në fytyrat e tyre janë vendosur kryqe (iksa).
Kjo vjen pak kohë pasi Zyra e Prokurorit të Specializuar të Gjykatës Speciale ka bërë publike një aktakuzë ndaj dy ish-krerëve të UÇK-së, presidentit Thaçi dhe kreut të PDK-së, Kadri Veseli.
Por, në anën tjetër, edhe kreu i Nismës Socialdemokrate Fatmir Limaj por edhe ai i Aleancës për Ardhmërinë e Kosovës ishin për vite me radhë të ndjekur për krime lufte nga Gjykata e Hagës dhe në fund u liruan si të pafajshëm në mungesë të provave.
VAZHDO TË LEXOSH MË TEPËR PËR TEMËN
Aktakuzat ndaj Thaçit e Veselit/ “Me prapavijë politike”
