Tifozët shqiptarë sërish do të kenë mundësinë të shohin ndeshjet në ekranin e Tv dhe jo si dje, teksa ndeshja Partizani-Luftëtari u transmetua në youtube. Sot është zgjidhur ngërçi mes Federatës Shqiptare të Futbollit dhe kompanisë Digitalb për sa i përket sinjalit të transmetimit të ndeshjeve të Kategorisë Superiore.
Ishte “SuperSport” ai që në kanalin “SS1” saktësoi se sot teleshikuesit mund të ndjekin 4 takimet e radhës së javës. Federata akuzonte Digitalb se prej thuajse 2 vitesh nuk kishte parë qoftë edhe një këst të të drejtave televizive, që shkojnë te 300 mijë euro për sezon.
Qeveria e futbollit kishte pranuar edhe rrugën e mesme, pra gjithçka e ndarë në këste. Madje, sot, federata ishte përgatitur edhe me stafin e saj për të transmetuar 4 ndeshjet e javës së 29-të, por ato do të jepen në Supersport.
VAZHDO TË LEXOSH MË TEPËR PËR TEMËN
