I kishte shënuar 37 gola në 38 ndeshje, por sonte ndalon dhe nuk arrin dot të shënojë as të 700-in në karrierë. Fjala është për Messin që nuk realizoi dot ndaj “viktimës” së preferuar, Sevilla. Barcelona ndalet në transfertë 0-0 ndaj Sevilla-s dhe ky rezultat shkon në favor të Real Madrid.
Leo Messi ka shpëtuar pa u ndëshkuar në fundin e pjesës së parë. Ylli i Barçës ka pasur një përplasje me mbrojtësin e vendasve Diego Carlos, duke e shtyrë këtë të fundit. Një gjest ky që mund t’i kishte kushtuar Pleshtit, por që nuk është ndëshkuar nga arbitri.
Suarez ishte titullar dhe luajti për 90 minuta, Griezmann u fut në pjesën e dytë, por kjo nuk mjaftoi. Madje Barcelona mund të ishte ndëshkuar. Katalanasit në fund lënë dy pikë të vyera në luftën për titull.
