Dy vjet në një tjetër klub dhe suksesi erdhi menjëherë: Monza ngjitet pas 20 vitesh në Serie B. Për 3 dekada Adriano Galliani është përkrah Silvio Berlusconit, teksa ka udhëhequr Milanin drejt sukseseve në Itali dhe në botë, por prej dy vitesh aventura e tij e re quhet Monza.
Adriano Galliani tani është fokusuar tek objektivi i radhës: të ngjisë bardhekuqtë në Serie A, pas ngjitjes në Serie B me vendim të Ligës si pasojë e pezullimit të kampionatit për shkak të pandemisë.
Ish-administratori i deleguar i Milanit tani ka një ëndërr: Monza të përballet në Serie A me “Djallin”. Dhe, kur kjo të ndodhë, atëherë ai do të mbajë një premtim të çmendur. “Nëse ngjitet Monza në Serie A, do të bëj në këmbë rrugën nga stadiumi Brianteo në San Siro…”. Stadiumi i Monzas nga ai i Milanit është 23 kilometra larg…
VAZHDO TË LEXOSH MË TEPËR PËR TEMËN
Rënia e perandorisë, si e humbi shkëlqimin Milan
Berlusconi i rikthehet zyrtarisht futbollit
