Premier League, Java 37

Aston Villa mposht Arsenal, mbijetesa shumë afër

21.07.2020 - 22:14

Aston Villa ka marrë një nga fitoret më të vyera të sezonit, teksa mposhti 1-0 në shtëpi Arsenal në javën e parafundit dhe tashmë vendasit besojnë te mbijetesa. Për të këtë duhet të falenderojnë edhe City-n, që mposhti Watford.

Ekipi vendas gjeti golin me anë të sulmuesit Trezeguet në minutën e 27′. Atij i doli një top nga një goditje këndi, sepse asnjë nga lojtarët e “Topçinjve” nuk arriti që ta largonte nga zona dhe me një goditje të fortë e ndali në rrjetë për 1-0.

Pjesa e dytë ishte totalisht e hapur, raste pati shumë, vendasit për të vrarë ndeshjen, miqtë për të barazuar. Në fund duket se dy skuadrat u pajtuan, me Arsenal ndoshta pak tolerues në fundin e takimit.