Dita e Brexit në janar festoi largimin zyrtar të Britanisë nga Bashkimi Evropian, por çfarë po ndodh me bisedimet tregtare pas Brexit?
Dita e Brexit ishte festimi zyrtar i largimit të MB nga Bashkimi Evropian. Por, përkundër kësaj dite zyrtare, mbeten shumë negociata në lidhje me marrëdhëniet pas Brexit midis MB-BE.
Afati për zgjatjen e kësaj periudhe tranzicioni ka kaluar tani duke nënkuptuar që Mbretëria e Bashkuar dhe BE kanë vetëm pesë muaj për të rënë dakord për këto marrëveshje.
Mbretëria e Bashkuar dhe BE përfunduan raundin e fundit të bisedimeve për marrëdhëniet e ardhshme tregtare në Londër javën e kaluar.
Kryenegociatori i Mbretërisë së Bashkuar David Frost tha se Mbretëria e Bashkuar duhet të “përballet me mundësinë” që ajo të mos bjere dakord për një marrëveshje mbi marrëdhëniet e saj të ardhshme me BE deri në fund të vitit.
Frost tha me më pak se gjashtë muaj për të kaluar deri në fund të periudhës së tranzicionit të Brexit, Mbretëria e Bashkuar “duhet të vazhdojë përgatitjen për të gjithë skenarët e mundshëm”, pasi të kalojë ky afat.
Kryenegociatori i BE, Michel Barnier tha se Mbretëria e Bashkuar nuk kishte treguar gatishmëri për marrëveshjen për peshkimin dhe rregullat e pas-Brexit për konkurrencën.
Për Mbretërinë e Bashkuar është shumë i rëndësishëm sovraniteti ndërsa përparësia kryesore e BE-së është mbrojtja e integritetit të tregut të saj të vetëm.
Kryenegociatori i Mbretërisë së Bashkuar tha se pala e tij do të vazhdojë të përpiqet për një marrëveshje të tregtisë së lirë “të stilit Kanada” që lejon divergjencën e gjerë nga rregullat e BE-së, diçka që negociatorët e Brukselit dhe qeveritë e BE gjithmonë e kanë refuzuar, veçanërisht duke pasur parasysh ndikimin ekonomik të Britanisë dhe afërsinë gjeografike me kontinentin .
Çfarë po ndodh në bisedimet tregtare të MB-BE?
Aktualisht, Mbretëria e Bashkuar-BE nuk kanë rënë dakord pëçështjeve kryesore në negociatat e bisedimeve tregtare.
Zyrtari i BE i tha Politico: “Ata kanë qenë shumë, shumë të ngadaltë në reagim dhe nuk kanë treguar shumë gatishmëri për të ecur përpara”.
Burimi shtoi se BE është e përgatitur të “lëshojë pe”, por nuk do të harrojë interesat e BE-së.
Ata thanë: “Ne nuk do ta shesim Evropën ashtu si ajo. Vlerat tona do të mbeten të paprekura.”
Bisedimet joformale vazhdojnë në javën e 27 korrikut përpara raundit tjetër zyrtar të negociatave nga 17 gushti.
Përkthyer dhe përshtatur nga The Guardian/ Konica.al
VAZHDO TË LEXOSH MË TEPËR PËR TEMËN
“Ç’do të thoshte Churchill për Boris Johnson?”
20 sfidat e BE-së për vitin 2020!
“Entuziazëm për një Brexit pa marrëveshje”
