Ministri i Rindërtimit, Arben Ahmetaj inspekoi punimet për banesat individuale në Farkë të Tiranës.
Ahmetaj bëri me dije se në përgjithësi janë shpërndarë nga qeveria 7.6 miliardë lekë për qytetarët banesat e të cilëve nga tërmeti i 26 nëntorit pësuan dëmeve të lehta ose mesatare DS1- DS3.
Më tej ai theksoi se sot përmbyllet procesi kontraktor për 677 njësi individuale teksa rindërtimi i tyre në Tiranë tashmë ka filluar.
”Jemi në Farkë. Këto janë shtëpi individuale që janë të paketës së 48 shtëpish në Farkë që ndërtohen nga Bashkia e Tiranës. Nuk jemi duke folur për 3D, por për realitet. Vizitova mbi 7-8 njësi individuale. Rikthehem për programin, 6-7 muaj më parë ku shumë nuk besonin se do vinim në këtë ditë.
Programi i njësive individuale ka filluar në Tiranë, dhe sot mbyllet fondi kontraktues për 677 njësi individuale.
Janë 4 sajte që janë aktive, dhe 4 të tjera javës tjetër. Janë shpërndarë 76 milionë dollarë, 7..6 miliardë lekë për qytetarët që u është dëmtuar banesa për dëme mesatare.”- tha Ahmetaj.
VAZHDO TË LEXOSH MË TEPËR PËR TEMËN
19 mijë nxënës në arsimin profesional
“SPAK dhe Byroja e Hetimit gati, qeveria tregohet ‘koprace’”
