Ministria e Shëndetësisë përgatitet për planin e veprimit për periudhën vjeshtë-dimër për masat anti-COVID. Rritja e numrit të rasteve me COVID ka detyruar ministrinë e Shëndetësisë që të përgatitet për hapjen e spitali COVID-3.
Ministria e Shëndetësisë njofton se ka rekrutuar staf të ri mjekësor në QSUT dhe janë drejt përfundimit përgatitjet për hapjen e spitalit COVID-3, struktura e ish-kirurgjive në QSUT, ku aktualisht ka filluar rekrutimi i stafit infermieror, i cili po merr eksperiencë në spitalin Infektiv, për t’u përgatitur për një fluks të mundshëm të shtimit të rasteve, që do të kërkojë edhe hapjen e spitaleve COVID-3 dhe COVID-4.
“Kemi një strategji të detajuar në raport me situatën që presim, pra për situatën e vjeshtë-dimrit. Dhe plani i detajuar, parashikon disa komponentë të rëndësishëm dhe fuqizimin e tyre. Duke filluar nga testimi, duke vijuar nga kapacitetet spitalore, duke vazhduar tek burimet njerëzore, të cilat janë aseti ynë më i çmuar. Ndaj jemi duke mundësuar që skuadrat e mjekëve dhe infermierëve të jenë të gatshëm që në momentin që do të duhet, t’I kemi gati dhe të jenë të trajnuar Jemi duke u përgatitur për të patur burime njerëzore të nevojshme për strukturën e spitalit COVID3, pra ish-kirurgjitë dhe për spitalin COVID4 që është në aksin Tiranë-Durrës.
Ka filluar rekrutimi dhe trajnimi i stafit. QSUT-së i janë shtuar 50 punonjës, një pjesë tashmë janë rekturuar dhe një pjesë janë në rekrutim e sipër. Do të kryejnë dhe trajnimet e nevojshme dhe do të kombinohen me stafe të tjera me eksperiencë” njofton ministria e Shëndetësisë. Përgjegjësi për burimet njerëzore për situatën e epidemisë, Arben Gjata u shpreh se “Kemi një plan të organizuar për përfshirjen që nga vullnetarët që kemi në listë, gjithashtu do të aktivizohen të gjithë stazhierët e disa specialiteteve, duke i kombinuar me mjekë me eksperiencë nga shërbime të tjera, në shërbimet për pacientët COVID”.
VAZHDO TË LEXOSH MË TEPËR PËR TEMËN
“Lutet që mos vrasë padashur të bijën!”
“Brenda katër muajsh ka shkatërruar gjithë botën dhe ende nuk i ka ardhur fundi”
“Ja elementi kryesor për të luftuar COVID-19!”
