Të hënën, 10 gusht, Hong-Kong u zgjua me lajmet befasuese për arrestimin e Jimmy Lai, botuesi 71-vjeçar i Apple Daily, e vetmja gazetë pro-demokracisë me qarkullim të madh në territor.
Një veprim i tillë kundër një media kryesore ishte i papritur, siç ishte arrestimi i aktivistit pro-demokracisë Agnes Chow, 23 vjeç, gjithashtu i shoqëruar nga shtëpia e saj i prangosur nga policia.
Duket se të gjitha kanë ndodhur shumë shpejt që kur ligji i sigurisë kombëtare u vendos në Hong Kong nga qeveria qendrore në Pekin në 30 qershor.
Ligji drakonian është imponuar nga lart, i miratuar me ngut dhe i mbështetur nga pushteti vendor.
Vetëm një vit më parë situata nuk mund të ishte ndryshe: çdo natë kishte demonstrime, të cilat herë pas here bëheshin të dhunshme..
Qeveria e Hong Kongut ka qëndruar e palëkundur në refuzimin e saj të dialogut.
Sondazhi i opinioneve tregoi se shumica e njerëzve të Hong Kongut i mbështetën protestat, edhe pse ata pendohen për dhunën, por prapëseprapë, kjo nuk sjell asnjë ndryshim nga qeveria.
Gjithçka që kërkuan njerëzit nga Hong-Kongu, ishte dëshira për të ndikuar disi në mënyrën si qeverisen, diçka që u ishte premtuar atyre. Kjo është mohuar.
Shpesh thuhet se Kina është shumë e dobët për të pranuar demokracinë e kufizuar në një cep të vogël të territorit të saj.
Mund të jetë koha për ta ndryshuar këtë: Kina nuk po tregon shenja të dobësisë politike. Pekini po imponon stilin e tij të qeverisjes në Hong Kong sepse mundet.
Kinezët nuk i pëlqejnë aspak protestueit e Hong Kong-ut. Shumë media shtetërore dhe postime të mediave sociale e përshkruan Hong Kongun si një “fëmijë të keq”, që nuk dëgjoi nëë e tijtë dashur.
Tani ligji i sigurisë kombëtare heq madje edhe lirinë për të shprehur mendime antiqeveritare pa frikë nga pasojat. A ka frikë nga Kina këto mendime? Pse do të ishte, nëse thjesht mund t’I zhdukë ato?
Shtresat e ndryshme të shoqërisë mund të mendojnë se ndoshta protestuesit shkuan shumë larg, shumë të tjerë që kanë frikë nga ajo që mund të ndodhë me ta dhe familjet e tyre me ligjin e ri.
Kampi i demokracisë në Hong Kong po përpiqet të kuptojë se si të rezistojë, dhe sa do të vazhdojë të jetë situata si tani.
Kina, ndërkohë, shtyp shpresat e tyre: sepse nuk toleron atë që nuk i pëlqen.
Ilaria Maria Sala është një shkrimtare dhe gazetare me qendër në Hong Kong
Përkthyer dhe përshtatur nga The Guardian/ Konica.al
VAZHDO TË LEXOSH MË TEPËR PËR TEMËN
3 mësime nga protestat në Hong-Kong
3 skenarë të mundshëm për të ardhmen e Hong-Kong-ut
