Ish-deputeti i PD Bardh Spahia, me anë të një statusi në “Facebook” shprehet se edhe testet serologjike po dalin me rezultat të gabuar, duke shtuar se edhe këtë herë qeveria hesht.
Spahia thotë se ka ndodhur tek personeli shëndetësor , vetë laboratori i QSUT, ku një anëtar i këtij personeli testohet tek laboratori i QSUT dhe del negative dhe përsërit testin serologjik tek spitali amerikan e del pozitiv!!!!
Më tej, Spahia ngre një sërë pyetjesh ndaj qeverisë, duke thënë se ky është një skandal i madh qeveritar.
Postimi i Bardh Spahisë:
EDHE TESTET SEROLOGJIKE ME REZULTAT TE GABUAR, QEVERIA HESHT!
Pas tamponëve që nuk japin rezultatin e saktë, vijnë denoncime edhe për testet serologjike! Ka ndodhur tek personeli shëndetësor i vetë laboratorit të QSUT! Një anëtar i këtij personeli testohet tek laboratori i QSUT dhe del negativ. Përsërit testin serologjik tek spitali amerikan dhe del pozitiv!!!!
A kemi problem me procedurat e testimit apo kitet e përdorura? Si ka mundësi që i njëjti test del me rezultate të ndryshme në dy laboratorë të ndryshëm?
A kemi një situatë edhe me testet serologjike, si me tamponët që rezultojnë fals negativë? Pse vazhdon mungesa e transparencës për këtë situatë?
Kjo qeveri nuk i është përgjigjur asnjëherë pyetjes, se a po përdor testet e marra nga Kina të cilat, për shkak se nxirrnin rezultat fals, u kthyen mbrapsht nga Spanja e para e më pas vende të tjera të Europës!
Akoma më serioze është situata, pasi mbetemi vendi me numrin më të ulët të testeve në rajon, edhe ato me rezultate të dyshimta!
Serbia: 80 519 teste/1 milionë banorë
Mali i Zi: 58 515 teste /1 milionë banorë
Maqedonia e Veriut 51 300 teste /1 milionë banorë
Bosnje Hercegovina: 43 910 teste /1 milionë banorë
Shqipëria: 13 033 teste/1 milionë banorë
VAZHDO TË LEXOSH MË TEPËR PËR TEMËN
Një test antitrupash zbulon nëse keni koronavirus!
Apeli i Piperos: Po preken edhe moshat e reja, ju lutem na dëgjoni, maskë e distancim!
COVID-19/ Arsyet pse testimi mund të frenojë përhapjen e tij
