Vendet në të gjithë Evropën po shohin një ringjallje në rastet e COVID-19 pasi ngadalësuan me sukses shpërthimet në fillim të vitit.
Por sa i fortë ka qenë rikthimi i koronavirusit dhe a krahasohet me numrat e infeksioneve në pranverë?
Vendet në Evropën Jug-Lindore, të tilla si Shqipëria, Bullgaria, Mali i Zi, Maqedonia e Veriut dhe Rumania, po shohin numra më të lartë të rasteve në gusht sesa më herët gjatë vitit. Serbia është një nga përjashtimet, duke postuar shifra të ngjashme me ato në mes të prillit.
Kroacia, Greqia dhe Malta duket se po përjetojnë një rritje në raste me numra edhe më të lartë gjatë javës së kaluar krahasuar me valën e parë.
Republika Çeke regjistroi një rekord të ri prej 1,161 rastesh më 8 shtator.
Belgjika, Italia dhe Britania e Madhe – ndër vendet më të goditura të Evropës – po shohin një rikthim të rasteve, por, të paktën deri më tani, asgjë si marsi dhe prilli. Më 6 shtator, Britania e Madhe kaloi 2,000 raste të përditshme.
Franca, Polonia, Hollanda dhe Spanja ka të ngjarë të preken me valën e dytë të dhe kanë filluar të marrin masa për ta frenuar atë. Franca deklaroi 8,975 raste të reja më 4 shtator – shifra më e lartë e regjistruar ndonjëherë.
Për t’u theksuar megjithatë, mbetet fakti se kjo rritje e re në raste mund të shpjegohet pjesërisht përmes kryerjes së shumë më shumë testeve nga vendet tani, sesa gjatë valës së parë.
