Edhe pse arritën marrëveshjen në SHBA dhe ranë dakord për 16 pika, Kosovës dhe Serbia kanë gjithmonë shkëndija mes tyre.
Presidenti i Serbisë, Aleksandër Vuçiç ka pritur sot ambasadorin palestinez në Beograd. Ndër të tjera ai e ka falënderuar për qëndrimin që mban Palestina për të mos njohur Kosovën.
Ministrja e Jashtme e Kosovës, Mimoza Haradinaj- Stublla ka reaguar menjëherë duke theksuar se Vuçiç ka shkelur pikën 15 të marrëveshjes, që detyron Serbinë që për 1 vit të ndalë fushatën e mosnjohjes së Kosovës.
Për Haradinaj- Stubllën, e cila ishte dhe vetë pjesë e delegacionit të Kosovës në Uashington gjatë marrëveshjes së 4 shtatorit, Serbia mbetet një partner jo i besueshëm pasi me veprime shkatërruese po shkel një marrëveshje të ndërmjetësuar nga Trump.
Postimi nga ministrja kosovare:
Kosova ndjek me shqetësime të mëdha veprimet shkatërruese të shkeljes së pikës 15 të Marrëveshjes së Uashington ndërmjetësuar nga Trump.
Sot ai falenderoi ambasadorin palestinian Nabhan për ‘qëndrimin parimor mbi mosnjohjen e Kosovës. ”
Fatkeqësisht, Serbia mbetet një partner jo i besueshëm!”, shkruan ajo.
VAZHDO TË LEXOSH MË TEPËR PËR TEMËN
Trump: Hoti dhe Vuçiç e bënë botën më të sigurt
Grenell: SHBA nuk zgjidh probleme politike…
