Suedezët e moshuar nuk kanë më nevojë të izolohen, deklaroi sot qeveria. Vendimin qeveria e mbështeti me shkallën e ulët të infeksioneve me Covid 19 në pranverë si dhe rritjhen e problemeve të shëndetit mendor tek të moshuarit.
Masa për të lehtësuar kufizimet ndaj të moshuarve vjen ndërsa shumë vende në të gjithë Evropën po rivendosin kufizimet për të ndaluar rritjen e infeksioneve, por Shërbimi Shëndetësor Suedez ka thënë se nuk sheh shenja të një vale të re në Suedi.
Suedia ka një qasje të ndryshme nga shumica e vendeve evropiane në luftimin e pandemisë, duke u përqëndruar në masat vullnetare për të promovuar përjashtimin shoqëror, megjithëse ka izoluar shtëpitë e pleqve pas niveleve të larta të vdekjeve midis banorëve të tyre.
Numri i rasteve të reja të infektimit në vendin nordik është rritur në mënyrë të vazhdueshme javët e fundit, megjithëse ato mbeten më të ulta në proporcion me popullsinë në krahasim me shumë vende në Evropë.
Rreth 107,000 raste infeksioni janë raportuar në Suedi nga fillimi i pandemisë dhe 5,900 prej tyrte knë humbur jetën.
Një ditë më parë u raportuan 975 infeksione të reja dhe 7 viktima, shumë më pak se piku i pranverës, po më shumë raste se në verë.
“Shërbimi i Shëndetit Publik ka vendosur që të moshuarit dhe ata që i përkasin grupeve të veçanta të rrezikut do t’u nënshtrohen të njëjtave rekomandime si pjesa tjetër e popullatës,” u tha gazetarëve Ministrja e Shëndetësisë Lena Hallengren.
Në përgjithësi, vdekjet nga COVID-19 janë shumë herë më të larta se ato të regjistruara në vendet fqinje, por më pak sesa në disa vende që kanë miratuar kufizime më të rrepta, të tilla si Spanja dhe Britania.
Deri më tani, qytetarëve mbi moshën 70 vjeç u është kërkuar që të shmangin kontaktet fizike dhe transportin publik dhe të qëndrojnë larg dyqaneve dhe vendeve të tjera publike, të cilat zyrtarët thonë se kanë ulur shkallën e infeksionit por kanë pasur një ndikim të rëndësishëm negativ në mirëqenien e shumë njerëzve të moshuar.
Agjencia tha se me nivele më të ulëta të infeksionit, njohuri më të mira të menaxhimit të sëmundjes dhe një sistem shëndetësor jo më nën presionin e pranverës, të moshuarit tani do të jenë në gjendje të ndjekin udhëzimet e përgjithshme që zbatohen për të gjithë suedezët.
Këto përfshijnë shmangien e mbledhjeve të mëdha, qëndrimin në shtëpi me shenjat e para të sëmundjes dhe ruajtjen e distancës shoqërore. Por Halengren paralajmëroi se kjo nuk do të thoshte kthim në normalitet.
“Jeta e përditshme nuk mund të jetë siç ishte para pandemisë,” tha ajo.
“Por ka shumë mënyra për të jetuar dhe kjo nuk ka të bëjë vetëm me mbijetesën.”
VAZHDO TË LEXOSH MË TEPËR PËR TEMËN
“Të rinjtë po përhapin koronavirusin në Europë”
ANALIZA: E vërteta e zymtë për “modelin suedez”
“Mbyllja e kufijve është qesharake”
