Kryetari i Aleancës Kosova e Re(AKR), Behgjet Pacolli ka reaguar, pas thirrjes së kryeministrit Avdullah Hoti ndaj opozitës në zgjedhjen e një presidenti të ri.
Përmes një postimi në Facebook, Pacolli ka thënë që nuk duhet të flitet fare për një post të ri, pasi aktulisht ka një president, duke shtuar se dhe pozicioni i partive politike duhet të ishte më i qartë.
“Pozicioni i partive politike duhet të ishte i qartë. Tani mos te flitet për Presidentin, ne e kemi Presidentin! Tani është momenti i fundit dhe shpresoj fort që të gjithë liderët politik njëherë e përgjithmonë të lënë anash interesat personale, klanore dhe partiake dhe të kontribojnë për të mirën e vendit. Tani më shumë se kurrë, Kosova ka nevojë për unitet dhe punë të sinqertë të të gjithëve,”– shkruan Pacolli.