MENU
klinika

Kërcënimet ndaj Alekandër Vuçiç

Serbia kërkon ndalimin e profileve false në internet

27.11.2020 - 11:43

Ministri i Brendshëm në Serbi, Aleksandar Vullin tha të premten se mbështet masën e heqjes së mundësisë për përdorimin e llogarive anonime në internet.

Vullin e bëri deklaratën duke komentuar kërcënimet që, sipas tij i janë bërë presidentit serb, Aleksandar Vuçiç në rrjetet sociale.

Gjatë një interviste për televizionin Pink, Vullin tha se duhet të miratohet një ligj i cili do të ndalonte hapjen e profileve në internet, pa i treguar të dhënat e sakta personale.

Vullin nuk ka treguar se në çfarë mënyre do të mund të ndalohej një mundësi e tillë nga ana e shtetit, duke pasur parasysh që rregullat për hapje të profileve përcaktohen nga kompanitë e rrjeteve sociale dhe jo nga shtetet veç e veç.

“Anonimiteti ka bërë që të shkruhen pisllëqe në internet dhe derisa anonimiteti në internet të shfuqizohet, kjo do të vazhdojë të ndodhë”, shtoi ai. Ai tha se kërcënimet që mori Vuçiç janë çështje për prokurorët dhe gjyqësorin. Këto kërcënime, sipas tij, “krijojnë një atmosferë që familja e Vuçiçit është aq e urryer sa që ata duhet të vriten”.

Ai deklaroi se të gjithë heshtin për “fashizmin” derisa ai t’i prekë ata, por që në fund “të gjithëve iu vije radha”./ REL

VAZHDO TË LEXOSH MË TEPËR PËR TEMËN


Zëvëndësimi i Vuçiçit

‘Duan ta rrëzojnë Vuçiçin’


Ambasada amerikane: Sapo të formohet të miratojë...

Një kërkesë për Qeverinë e re në Kosovë

Periudhë kur shërbimi sekret jugosllav kryente…

39 vjet nga vrasja e veprimtarëve kosovarë në Gjermani

Listat e kandidatëve për deputetë të LVV, LDK, PDK dhe AAK

Zgjedhjet e parakohshme të 14 shkurtit në Kosovë