Megjithëse Evropa është vatër më e madhe në botë e pandemisë së koronavirusit, një dritë shprese ka dalë në prag të Krishtlindjes.
Konkretisht, Organizata Botërore e Shëndetësisë (OBSH) njoftoi se, me sa duket, kufizimet e rrepta të futura në një numër vendesh evropiane po japin rezultate.
Masa të rrepta të tilla si mbyllja e kafeneve, restoranteve, në disa vende edhe shkolla, kanë çuar në një rënie të numrit të ndërveprimeve shoqërore dhe, rrjedhimisht, një rënie të lehtë të numrit të rasteve javore të koronavirusit nga 2 milion në 1.8 milion, tha OBSH.
“Eshtë një sinjal i vogël, por është një sinjal pavarësisht,” tha Drejtori Rajonal i OBSH-së për Evropën, Hans Kluge.
Ai argumentoi se bllokimet e ardhshme mund të shmangen nëse përdoren teknologjitë e gjurmimit të kontakteve dhe nëse njerëzit mbajnë maska.
“Unë besoj fort se ka më shumë shpresë sesa dëshpërim para nesh,” shtoi Kluge.
VAZHDO TË LEXOSH MË TEPËR PËR TEMËN
