Federata Spanjolle e Futbollit ka përsëritur edhe në këtë edicion zhvillimin e turneut unik që ka organizuar në Arabinë Saudite edhe në edicioni e kaluar, për të përfituar sa më shumë të jetë e mundur financiarisht nga ajo.
Edhe pse publiku kishte qenë kundër një turneu të tillë, duke parë formulën e çuditshme, Federata nuk hoqi dorë, pasi fitimet ishin kolosale. Ajo ka nënshkruar për tre edicione, nga të cilat futbolli spanjoll do të përfitojë 120 milioë euro nga Arabia Saudite.
Gjysma e këtyre parave do të shkojnë për klubet, ndërsa pjesa tjetër në arkat e federatës. Megjithatë, tifozëve nuk u ka pëlqyer mënyra se si zhvillohet turneu. Në edicionin e parë, në finale shkuan Real Madrid dhe Atletico Madrid, me Realin triumfues.
Një finale absurde duke llogaritur se të dy skuadrat kishin eliminuar Barcelonën dhe Valencian, fituesit e kampionatit dhe Kupës një edicion më parë. Këtë vit, katër skuadrat pjesëmarrëse do të jenë Real Madrid, Barcelona, Real Sociedad dhe Athletic Bilbao.
VAZHDO TË LEXOSH MË TEPËR PËR TEMËN
Risia e Superkupës së Spanjës, formati dhe vendi
