Emisari special i BE-së për dialogun Kosovë-Serbi, Miroslav Lajçak,i ka dërguar një letër kreyministrit kosovar Avdullah Hoti, ku e kritikon për moslejimin e presidentit serb Vuçiç të hyjë në territorin e Kosovës.
Ai ka përmendur edhe kushtin që ministrja e Jashtme e Kosovës i vuri presidentit serb, ku i tha se pa kërkim falje për gjenocidin në vitet e 90-ta ndaj shqiptarëve, ai s’do të lejohet të hyjë në Kosovë.
Ndërkohë zëdhënësi i BE-së për Politikat e Jashtme dhe të Sigurisë, Peter Stano, i pyetur nga mediat kosovare ka thënë se pret që të gjitha marrëveshjet e arritura në dialog, të respektohen dhe zbatohen nga të dy palët.
“Si rregull i përgjithshëm, BE nuk komenton mbi bisedat dhe korrespondencën që zyrtarët tanë kanë me partnerët e tyre. As ne nuk komentojmë se çfarë raportojnë mediat për shkëmbime dhe komunikime të tilla.Lidhur me çështjen e vizitave, BE pret që të gjitha marrëveshjet e arritura në kuadrin e Dialogut të lehtësuar nga BE të respektohen dhe zbatohen, përfshirë lirinë e lëvizjes dhe vizitat zyrtare”, tha Stanos.
Bashkimi Europian i ka bërë thirrje Kosovës që të mos i politizojë marrëveshjet, pasi çdo paqartësi apo mosmarrëveshje duhet të zgjidhet. përmes dialogut
