Pas kamerave, Leonardo DiCaprio po e çon në një nivel tjetër marrëdhënien me bukuroshen që i ka vjedhur zemrën.
46-vjeçari dhe 23-vjeçarja Camila Morrone mbeten shumë të dashuruar, edhe pas tre viteve kur u shfaqën në daljen e parë publike në dhjetor 2017.
“Lidhja mes tyre po bëhet çdo ditë e më e fortë.”-shkruan E!News. “Ai është shumë komod me Camila dhe lidhja mes tyre është tejet serioze”.
Në fakt, të dy jetojnë së bashku. “Ai po xhiron tani, por kohën që i mbetet Leo e kalon me të dashurën e tij dhe është bërë një çun për shtëpi. Madje ai ka kufizuar edhe kohën që ai kalonte me djemtë e tij,” shpjegon e njëjta media. “Atij i pëlqen vërtetë jeta e tij me të dhe ata janë shumë të lumtur”.
Ata u panë së fundmi së bashku në Nobu në Malibu, Calif, në tetor. Muaj më parë në prill, ata u panë në një shëtitje së bashku me qenin e tyre në Los Angeles.
Ndërsa ata e kanë mbajtur romancën e tyre shumë private, Morrone foli mbi diferencën e tyre prej 23 viteve gjatë një interviste në dhjetor 2019.
“Ka kaq shumë marrëdhënie në Hollywood – dhe në historinë e botës – ku njerëzit kanë diferencë të madhe në moshë,” tha ajo për Los Angeles Times. “Thjesht mendoj se çdokush mund të dalë me atë që duan të takohen.”
