15.12.2020 - 10:51
Vrasja e Klodjan Rashës ka shkaktuar protesta edhe në Greqi. Disa të rinj kanë protestuar përpara konsullatës shqiptare në Janinë.
Të rinjtë, pjesë e lëvizjes “Gesture” u mblodhën përpara Konsullatës me banderola të mëdha ku shkruhej shqip dhe në gjuhën greke “Shqipëria dhe Greqia janë shtete policore”.
“Në Shqipëri dhe Greqi kundërshtari është shteti dhe policia”.
Protesta e të rinjve në Janinë zgjati 1 orë. Gjithashtu janë hedhur edhe fletushka me mbishkrime ku denoncohet vrasja e 25 vjeçarit Rasha nga polici shqiptar.
Në fund të rinjtë hodhën bluzat e tyre në rrugë në shenjë proteste.
