Thesht ngjyra e qiellit, është bërë simboli i vendit. Bluza “azzurri” mbush 110 vjeç sot, shoqëruese e ekipit kombëtar italian, i cili debutoi më 6 janar 2011, në një udhëtim të gjatë të përbërë nga gola, emocione, shumë triumfe dhe disa zhgënjime.
Ekipi kombëtar i futbollit ishte i pari që miratoi ngjyrën blu, e cila më vonë u bë ngjyra e të gjitha ekipeve të tjera italiane. “E kaltra – deklaron presideni i FIGC, Gabriele Gravina – përfaqëson emocione dhe ndarje. Ishte ngjyra e një fanelle që ka festuar çdo ditë, në çdo ndeshje të ekipit kombëtar për 110 vjet.”
Fanella blu bëri debutimin e saj më 6 janar 1911 në “Arena Civica” në Milano me rastin e ndeshjes kundër Hungarisë, ndeshja e tretë në historinë e ekipit kombëtar, tetë muaj pas pagëzimit zyrtar, që u zhvillua në 15 maj 1910, kur Italia mposhti me të bardha Francën 6-2.
Në një Milano të bardhë dëbore dhe para 5,000 spektatorëve, Hungaria fitoi 1-0, ekipi kombëtar nuk arriti të shpengojë humbjen, por provoi se kishte bërë hapa të rëndësishëm përpara. Në daljen e parë në të kaltër, e zgjedhur si ngjyra e Shtëpisë së Savojës, Italia edhe sot e kësaj dite identifikohet me të kaltërtën, blunë e thellë.
VAZHDO TË LEXOSH MË TEPËR PËR TEMËN
“Këtë vit apo tjetrin, Europianin e fiton Italia”
