Mëngjesi i sotëm ka nisur me lajmin e trishtë të ndarjes nga jeta të mamasë së gazetares e moderatores së njohur Fiori Dardha.
Lajmi është bërë i ditur nga vetë Fiori, e cila ka postuar në Instagram një dedikim të ndjerë për të ëmën.
”Po tani mam’?”, – shkruan Fiori. “E di mam’, e di që po të mundje, do më thoje: “Nuk diskutohet vullneti i Zotit!”, madje, edhe do më hidhje një vështrim qortues. Fluturo lart, shumë lart zemra jonë!
Hapi krahët ëngjëlli ynë dhe bëje më të kaltër qiellin me sytë e tu të shkruar!”
“Përshkoje rrugën drejt përjetësisë me të njëjtën energji dhe pasion që jetove në 68 vitet e jetës tënde! Dorëzoju Krijuesit që i ke besuar aq shumë, heroina ime! Të siguroj ëngjëlli im: nuk fitoi vdekja!
Fitimtare është parajsa, sepse sot iu bashkua edhe shpirti yt i bukur! Ti do të jesh përherë rrezja që do të shkëlqejë më fort, për të ngrohur dhe qetësuar shpirtin tonë! Të duam, mam’!”, përfundon dedikimin e saj prekës Fiori.
Kujtojmë se Donika, mamaja e Fiorit prej vitesh luftonte me kancerin, luftë që i mori mjaft vite nga jeta e saj. Madje, vetë gazetarja herë pas here publikonte në rrjet ecurinë e përmirësimit të shëndetit të të por që mesnatën e sotme lufta nuk mundi të fitohej.
Ne i shprehim ngushëllimet më të sinqerta familjes dhe Fiorit për këtë humbje të rëndë.
VAZHDO TË LEXOSH MË TEPËR PËR TEMËN
