Gazeta greke “Ekathimerini” thotë se kryeministri i Shqipërisë, Edi Rama është duke promovuar Turqinë si aleatin kryesor dhe për këtë ka marrë edhe kritika.
Në një artikull me titull “Kryeministri shqiptar shikon nga Turqia përpara zgjedhjeve”, gazeta e njohur greke shkruan se “Rama ka premtuar se do të ndërtohet një spital, me paratë turke dhe do të jetë gati në zgjedhjet e 25 prillit”.
Gazeta vijon më tej duke shkruar se “Donacioni prej 60 milion eurosh u trumbetua nga Presidenti turk Rexhep Tajip Erdogan gjatë vizitës së Ramës në Ankara në fillim të këtij muaji”.
Teksa i referohet mediave shqiptare, “Ekathimerini” shkruan se “Vendi ku do të ndërtohet spitali, në qytetin e Fierit, në Shqipërinë Jugperëndimore, nuk është shpronësuar ende”.
Më tej mediat greke shkruan se “Bashkimi Evropian është gjithnjë e më i mërzitur me pozicionin e Ramës, kritikat e tij ndaj qëndrimit të BE kundër Turqisë apo edhe përpjekjet e saj të vaksinimit”.
VAZHDO TË LEXOSH MË TEPËR PËR TEMËN
“Mos provoko”, mediat greke i përgjigjen ashpër Ramës
