Kreu i KQZ-së, Ilirjan Celibashi, i ftuar sot në emisionin “Real Story”, theksoi se zgjedhjet e 25 prillit do të jenë të mira.
Ai tha se e ka pranuar detyrën, për të përballuar çdo sfidë që i del përpara dhe t’i bëjë ballë presioneve që mund të gjenden.
Po ashtu ai nënvizoi se angazhimi i tij dhe i gjithë strukturave të KQZ-së është që të marrë fund një herë e mirë vjedhja e votës.
“Çfarë ka ndodhur më parë ka marrë fund. Mund ta them me siguri të plotë angazhimi është serioz dhe i përgjegjshëm dhe ekziston aftësia profesionale dhe integriteti për ta bërë këtë detyrë në mënyrën më të mirë të mundshme. Unë mendoj se ka një shans që zgjedhjet e 25 prillit të jenë të mira dhe ai që të fitojë të ketë legjitimitetin e kësaj fitoreje”, tregoi kreu i KQZ-së.
