Europa dhe Amerika janë gjithnjë e më të largëta, sipas një studimi të botuar në revistën ”Nature” i koordinuar nga Universiteti Britanik i Southampton, me grupin e sizmologut Matthew Agius, i cili aktualisht punon në Itali, në Universitetin e Roma Tre.
Kjo nuk është një çështje politike ose kulturore, por gjeografike.
Të dy kontinentet po largohen nga njëri-tjetri me një shpejtësi prej 4 centimetrash në vit dhe shkaku mund të jetë një masë e lëndës që del nga korja e tokës në oqeanin Atlantik.
Midis Amerikës, Europës dhe Afrikës ekziston një varg malor nënujor që shkon nga Poli i Veriut në Antarktidë, i quajtur Kurrizi Mid-Atlantik dhe që ndan pllakën euroaziatike nga amerikane.
Tani sizmologët në Universitetin e Southampton kanë gjetur gjurmë të ngritjes së detit të thellë në materialin që shtrihet midis kores së Tokës dhe bërthamës së saj, mantelit të Tokës.
