Parlamentin diskuton këtë të hënë projektiligjin “Pazilin në Republikën e Shqipërisë”. Në fjalën e tij, ministri i Brendshëm, Bledi Çuçi prezantoi risitë e këtij projektligji.
Sipas ministrit, ky projektligj parashikon rritjen e bashkëpunimit midis institucioneve përgjegjëse.
Po ashtu ministri tha se nisma ligjore sanksionon bashkëpunimin me organizatat ndërkombëtarë që ofrojnë asistencë duke shtuar gamën e tyre.
“E para parashikohet rritja e nivelit të bashkëpunimit midis institucioneve përgjegjëse duke zgjidhur mangësitë në këtë drejtim, duke niveluar strukturat përkatëse për të marrë përgjegjësinë e parë që në momentet e kalimit në pikat kufitare dhe në brendësi të territorit ku kontaktohet me azilkërkuesit.
Risi tjetër është mbajtja e të dhënave nëpërmjet regjistrimit të azilkërkuesve, i cili është bërë funksional që nga viti 2018.
Gjithashtu, nisma ligjore sanksionon bashkëpunimin me organizatat ndërkombëtarë që ofrojnë asistencë duke shtuar gamën e tyre.
Një disiplinim i rregullave për shtetasit azilkërkues është parashikuar nisur nga shqetësimet në vite gjatë akomodimit të tyre pranë qendrës së hapur për azilkërkuesit. Përveç të drejtës për të lëvizur lirshëm nga momenti i paraqitjes së kërkesës, janë përcaktuar rregulla dhe kufizime në rast të konstatimit të shkeljeve të rëndë.
Është parashikuar ndihmë juridike e garantuar nga shteti e cila deri më sot ofrohej nga organizata ndërkombëtare.
Komisioni i azilit dhe refugjatët riformatohet në strukturë, përbërje dhe status duke rritur nivelin e përfaqësimit, pasi emërimi bëhet nga këshilli i ministrit.
Në projektligj është parashikuar njoftimi i kërkuesit në rastin e refuzimit, mospranimit të revokimit apo cdo forme të përfundimit të statusit të mbrojtjes të statusit plotësuese. Kjo mundëson vijhimin e procedurave ligjore, duke sjellë mos si pasojë moslargimin e personave me qëndrim të parregullta nga territori i Shqipërisë”, tha Cuci.
VAZHDO TË LEXOSH MË TEPËR PËR TEMËN
