Një prej stërmbesave e kujton atë, njërin nga personazhet më të njohura të mafies, se i pëlqente të rrinte në kuzhinë dhe të gatuante makarona.
Deirdre Capone tregoi për “Mirror”, sesi Al Capone e mësoi sesi të bënte spageti të përsosura. 80-vjeçarja shtoi se, ajo është i vetmi person në botë që e ka njohur më mirë se të gjithë të tjerët, famëkeqin Al Capone.
Ajo ishte vetëm 7 vjeç, kur Capone vdiq, në janar 1947, por e mban mend si një njeri shumë i butë dhe i ndjeshëm.
“Kishte një shenjë në fytyrë, që ia bëri me thikë një djalë. Al Capone i kishte bërë një kompliment motrës së tij dhe ai e goditi me thikë.
E urrente atë shenjë dhe mundohej ta fshihte gjithmonë. Është e vështirë që të gjesh një fotografi të tijën, ku nuk mundohet ta fshehë. Ai donte që të kishte gjithçka në përsosmëri”, – kujton stërmbesa, Deirdre. Ajo shton, se Al Capone mbante përherë një kapelë të bardhë, pasi në filmat me kauboj, personazhet pozitive mbanin kapela të bardha:
“Duke qenë se mediet, përherë ishte kundër tij, në përpjekje për t’ia vënë fajin për gjithçka, ai mbante kapelë të bardhë që t’i tregonte njerëzve se ishte njeri i mirë. Ndihej i viktimizuar”.
Deirdre thotë, se, Al Capone “ishte gangster, jo përbindësh”. Madje, beson se ai nuk ka vrarë kurrë njeri personalisht, por pranon se ka urdhëruar vrasje:
“Nuk ka asnjë provë, që ai t’i ketë vrarë vetë. A janë vrarë njerëz? Sigurisht që po. Ajo kohë e historisë amerikane, ka qenë si Perëndimi i egër.
Nëse vidhje bagëtitë e dikujt ose i rrëmbeje gruan, e paguaje shtrenjtë. Në atë kohë, italianët ishin të fundit që merreshin në punë dhe të parët që pushoheshin nga puna”.