Pergamenët antikë ishin antifrod. Struktura e tyre ishte e tillë që nxirrte në pah çdo përpjekje për të fshirë, korrigjuar apo modifikuar tekstin.
Zbulimi mbërrin nga studiuesit e universitetit “Exeter”, “York” dhe “Cambridge”, që kanë analizuar mbi 600 kampione të marra nga rreth 500 tekste dhe dokumente britanike shkruar rreth viteve 1699-1969.
Rezultatet janë publikuar në revistën “Heritage Science”. Sipas tyre, tekstet dhe këto dokumente përtej vlerës historike, tani kanë shërbyer edhe për të kuptuar teknikat e përdorura, si dhe analizimet biologjike e kimike te tyre.
Në të kaluarën, siç e dimë, dokumentet e lidhura dhe aktet e ligjet shtetërore, shkruheshin në pergamena, që pëlhura në lëkurë deleje. Një ndër arsyet dhe vlerat e shtuara, ishte edhe fakti se, nuk mund të manipuloheshin dhe çka shkruhej në to, ishte e pakthyeshme.
Në pothuajse të gjitha këto dokumente, materiali i përdorur është po i njëjti dhe gjithnjë bëhet fjalë për lëkure deleje dhe jo viçi, apo dhie.
Sipas studiuesve, lëkura e deles ka një përbërje shumë të lartë yndyrnash, 30-50 për qind, në krahasim me 3-10 për qind të lëkurave të tjera dhe pikërisht për këtë arsye, rezulton të jetë më efikase ndaj falsifikimeve apo modifikimeve.
VAZHDO TË LEXOSH MË TEPËR PËR TEMËN
Manastiri i Shën Katerinës, dëshmi e krishtërimit në Egjipt
“Formula e Pagëzimit”, dëshmia 556 vjeçare e shqipes së shkruar
Kujt i duhet hapja e dosjeve për sa kohë kemi Atë Zef Pllumin?
