Një ditë më parë Konica.al tregoi rritjen më të madhe të vlerave të futbollistëve në Serie A që nga fillimi i këtij sezoni deri më tani. Ndërsa sot, duke u bazuar te portali i specializuar Transfermarkt, po rendisim lojtarët që kanë pësuar më shumë rënie.
Në vendin e parë është Javier Pastore i Romës që humbet 75% të vlerës së kartonit. Tashmë mesfushori argjentinas vlen vetëm 2 milionë euro. Pastaj vjen Jose Callejon e Fiorentinës. Kalimi nga Napoli në Fierenze duket se ka ndikuar shumë për sulmuesin spanjoll, që humbi 74% të vlerës së kartonit dhe tashmë vlen vetëm 2.5 milionë euro.
Pastaj vijnë dy futbollistë të Cagliarit, Asamoah dhe Godin, që humbën në treg 69% të vlerës së tyre. I pari vlen 2 milionë, ndërsa i dyti 2.5 milionë euro. Në vendin e pestë Ghoulam me një rënie prej 68% dhe tani futbollisti i Napolit vlen 3 milionë euro.
Në top 10, Cagliari ka numrin më të madh të futbollistëve të cilët kanë pësuar ulje të vlerës së tyre në treg, teksa ndodhet edhe Nainggolan, vlera e të cilit u ul me 63% dhe nga 9.5 milionë euro që vlente në fillim të sezonit, tani kartoni i tij është 6 milionë euro. Mes futbollistëve të tjerë që pësuan ulje janë edhe Aleksandar Kolarov i Interit, Nikola Kalinic i Veronës dhe Mateo Musacchio i Lazios.
RENDITJA
10.IAGO FALQUE (Benevento): 62% ulje e vlerës së tregut (vlera aktuale 2.5 milionë euro)
9.ALEKSANDAR KOLAROV (Inter): 62% ulje e vlerës së tregut (vlera aktuale 2.5 milionë euro)
8.RADJA NAINGGOLAN (Cagliari): 63% ulje e vlerës së tregut (vlera aktuale 6 milionë euro)
7.NIKOLA KALINIC (Verona): 63% ulje e vlerës së tregut (vlera aktuale 2.5 milionë euro)
6.MATEO MUSACCHIO (Lazio): 67% rënie në vlerën e tregut (vlera aktuale 3 milionë euro)
5.FAOUZI GHOULAM (Napoli): 68% ulje e vlerës së tregut (vlera aktuale 3 milionë euro)
4.DIEGO GODIN (Cagliari): 69% ulje e vlerës së tregut (vlera aktuale 2.5 milionë euro)
3.KWADWO ASAMOAH (Cagliari): 69% ulje e vlerës së tregut (vlera aktuale 2 milionë euro)
2.JOSÉ CALLEJON (Fiorentina): 74% ulje e vlerës së tregut (vlera aktuale 2.5 milionë euro)
1.JAVIER PASTORE (Romë): 75% ulje e vlerës së tregut (vlera aktuale 2 milionë euro)
VAZHDO TË LEXOSH MË TEPËR PËR TEMËN
Futbollistët që iu rritën më shumë vlerat në Serie A
