Komisioni i Ankimimeve dhe Sanksioneve, KAS, ka rrëzuar kërkesën e PDIU-së për anëtarë në grupin e numërimit të votave për zgjedhjet e 25 prillit.
Kësisoj KAS la në fuqi vendimin që numëruesi i katërt të jetë i Lëvizjes Socialiste për Integrim.
Kundër këtij vendimi mund të behet ankim në Kolegjin Zgjedhor, brenda 5 ditëve nga hyrja në fuqi e tij. Tryeza e numërimit do të ketë dy anëtarë të Partisë Socialistë, një anëtar të Partisë Demokratike dhe një anëtar të Lëvizjes Socialiste për Integrim.
Përfaqësuesi i PDIU-së kërkoi rrëzimin e vendimit të KQZ-së duke theksuar se vendimi është në kundërshtim me ligjin.
“Ne jemi parti parlamentare, kjo ka qenë pika kur komisionari ka është bazuar për të ndryshuar pikën e këtij vendimi. Kërkojmë ndryshimin e vendimit, si vendim në kundërshtim me ligjin dhe PDIU të marrë pjesë në shortin e anëtareve të numërimit” , tha ai.
VAZHDO TË LEXOSH MË TEPËR PËR TEMËN
Sondazhi II Piepoli: Nëse votohet sot PS ruan shumicën
