Regjimi i Presidentit rus Vladimir Putin ngadalë por shumë qëllimisht po vret kundërshtarin e tij kryesor politik, Alexei Navalny.
Navalny, tani po mbahet në një kamp burgu i njohur për kushtet e tij të vështira rreth 60 milje nga Moska.
Që nga mbërritja e tij atje në fund të shkurtit, ai është privuar sistematikisht nga gjumi përmes zgjimeve çdo orë dhe i është mohuar trajtimi i duhur mjekësor për sëmundje të rënda.
Që nga java e kaluar, Navalny ka qenë në një grevë urie për të protestuar ndaj trajtimit të tij; avokatët e tij thonë se pesha e tij është poshtë 30 paund dhe po bie me dy paund në ditë.
Pse mund të supozojmë se Putin synon të vrasë Navalny?
Së pari, sepse ai tashmë u përpoq.
Së dyti, sepse disidenti tani përbën një kërcënim edhe më të madh për regjimin sesa ai përpara helmimit.
Kthimi i tij i guximshëm në vend në janar dhe arrestimi i menjëhershëm me akuza të trilluara shkaktoi disa nga demonstratat më të mëdha të protestave që Rusia ka parë në qeverisjen dy dekadash të zotit Putin.
Ne gjithashtu e dimë që Kremlini e ka bërë këtë më parë.
Biznesmeni perëndimor që e punësoi atë, William Browder, ka kaluar dekadën e kaluar duke kërkuar drejtësi për çështjen, përfshirë këtu duke shtyrë Shtetet e Bashkuara dhe qeveritë e tjera perëndimore të miratojnë ligje që parashikojnë sanksionimin e të gjithë atyre që janë përfshirë në çështjen e Magnitsky si dhe në shkelje të tjera të të drejtave të njeriut.
Browder e quan atë që po ndodh me Navalny një “vrasje me lëvizje të ngadaltë”; Amnesty International thotë se regjimi po krijon “një situatë të një vdekjeje të ngadaltë dhe po kërkon të fshehë atë që po ndodh”.
Përkrahësit e Navalny po ndërmarrin rreziqe të mëdha për të përqendruar vëmendjen në çështjen e tij.
Të martën, nëntë mbështetës të tij, duke përfshirë disa mjekë, udhëtuan në kampin e tij të burgut për të kërkuar që ai të merrte trajtimin e duhur mjekësor; ata u arrestuan dhe më vonë u dënuan me një javë burg.
Ndërkohë, më shumë se 350,000 rusë janë zotuar të marrin pjesë në demonstrata publike për Navalny, edhe pse ata rrezikojnë arrestimin ose sulmin nga forcat e sigurisë.
Organizatorët thonë se protestat do të planifikohen kur të regjistrohen gjysmë milioni.
Shtetet e Bashkuara dhe qeveritë e tjera perëndimore kanë ndërmarrë disa hapa për të mbështetur Navalny, përfshirë sanksionet kundër zyrtarëve dhe njësive të përfshira në helmimin dhe burgosjen e tij.
Por nëse jeta e tij do të shpëtohet, duhet një veprim shumë më i fortë.
Browder argumenton se shënjestrat e duhura janë 35 oligarkët të cilët vetë Navalny i ka identifikuar si mbrojtës të pasurisë masive private të Putin.
Filloni ngrirjen e pasurive dhe aplikimin e ndalimeve të vizave për ata manjat dhe familjet e tyre, këshillon ai, dhe vazhdoni derisa të lirohet navalny.
Kjo tingëllon si një strategji që ka një shans për të fuksionuar; nëse jo, do të jetë fillimi i asaj që duhet të ketë pasoja nëse komploti i vrasjeve rrënqethëse i Kremlinit shkon përpara.
Përkthyer dhe përshtatur nga The Washington Post/ konica.al
VAZHDO TË LEXOSH MË TEPËR PËR TEMËN
A do të ketë dhe Putini fatin e Lukashenkos?
A e helmoi Putini rivalin? Veprat flasin më shumë se fjalët…
“Zgjohet” SHBA, flet për helmimin e rivalit të Putinit
