Kryeministrja e Serbisë, Ana Bërnabiç ka reaguar pas faljes që kërkoi presidenti i Çekisë, Millosh Zeman për bombardimet e NATO-s më 1999 duke e cilësuar si një akt historik” dhe gjest të madh. Në një intervistë të dhënë për mediat vendase ajo theksoi se ishte e bindur se askush në NATO nuk është i kënaqur që Zeman kërkoi falje për bombardimin e Serbisë.
Duke komentuar faktin se kryeministri i Republikës Çeke, Andrej Babish tha se aj odeklaratë ishte pozicionim personal i Zemanit, ajo tha se Zeman “është një politikan i madh dhe serioz”.
“Nuk erdhi nga dikush atje që u bë aksidentalisht president”, theksoi Bërnabiç, duke shtuar se kjo kërkim falje do të thotë shumë për të personalisht.
Kryeministrja serbe tha se presidenti i Serbisë, Aleksandar Vuçiç gjithashtu ishte i befasuar kur Zeman kërkoi falje.
“Unë mendoj se Vuçiç, gjatë gjithë këtyre viteve, ka ndërtuar një imazh të ndryshëm të Serbisë dhe lidhje të ndryshme politike me vendet e tjera, ashtu që kemi arritur në pikën ku një politikan i tillë të kërkojë falje”, ka thënë Bërnabiç.
VAZHDO TË LEXOSH MË TEPËR PËR TEMËN
“Gjuhë raciste” nga zyrtarët serbë, Thaçi: BE-ja nuk e dënoi!
Bërnabiç: Kosova, sfida më e madhe politike
Bërnabiç: Serbia nuk pret ultimatume
