Gjon’s Tears, artisti me origjinë shqiptare, që përfaqësoi këtë vit Zvicrën në “Eurovision” arriti të renditej i treti në natën finale. Si fillim ai grumbulloi pikët maksimale nga juria profesioniste, por votat e publikut pëmbysën gjithë rezultatin.
Edhe gjatë këtij kompeticioni, ai nuk ngurroi të tregonte gjithë krenari origjinën e tij shqiptare. Kur mori 12 pikë nga vendi ynë, ai bëri me duar shqiponjën, duke ngritur peshë zemrat e të gjithëve. Po ashtu gjatë një interviste për festivalin, Gjoni ka treguar se është frymëzuar nga një artiste shqiptare për të marrë pjesë në “Eurovision”.
“Në 2012-n pashë Eurovision për hërë të parë. Pashë Aurela Gaçen, këngëtare në Shqipëri dhe po mendoja çfarë dritash dhe kur e pashë po mendoja kjo është diçka shumë e madhe dhe fillova të ëndërroja. Por bëra gjëra të tjerë në muzikë dhe nuk mendova më për të deri këtë vit”, është shprehur Gjoni gjatë intervistës.
Aurela Gaç e ka ndarë këtë pjesë me ndjekësit e saj dhe është shprehur shumë e lumtur që ajo ka frymëzuar një artist si Gjoni për të marrë vendimin për të konkurruar në “Eurovision”.
“Auuu E lumtur kur degjoj se bëhesh sadopak shtysë pêr të marre nje vendim të bukur
@gjon.s_tears te uroj shume sukses, në cdo hap tjetër e paç nje karrierë plot sukses
Këtë intervistë ma dērgoi @gimmi.ch i cili ka shumeeee vite që më jep shumë dashuri , i rritur edhe ai në Zvicer, por i rritur me shume dashuri per vendin e tij”, shkruan Aurela në postim.
VAZHDO TË LEXOSH MË TEPËR PËR TEMËN
