Rusia ka vendosur gati 80,000 trupa në kufirin e saj me Ukrainën. Jo shumë larg, në rajonin Donetsk të Ukrainës lindore, separatistët e mbështetur nga Rusia kohët e fundit kanë intensifikuar sulmet e tyre. Dhe, Sekretari i Shtetit Antony Blinken vizitoi Kievin, për të theksuar mbështetjen amerikane për Ukrainën.
Blinken, duke mbajtur një buqetë me trëndafila, vizitoi një memorial për ushtarët ukrainas të vrarë në luftimet me Rusinë. Ai më vonë tha se ishte prekur emocionalisht “për të nderuar ata që humbën jetën duke mbrojtur demokracinë e Ukrainës”.
Që kur Presidenti Biden mori detyrën tensionet midis Rusisë dhe Shteteve të Bashkuara janë rritur.
Çfarë po bën Putini?
Grumbullimi i trupave që nga marsi është si një mesazh për Ukrainën, si dhe për SHBA dhe Bashkimin Evropian.
Për Ukrainën, duket se është një përpjekje klasike për frikësim. Është një kujtesë se Rusia e konsideron vendin brenda sferës së saj të ndikimit dhe kundërshton përpjekjet e Ukrainës për t’u bashkuar me NATO. Rusia tashmë ka aneksuar Krimesë nga Ukraina, pas një pushtimi të vitit 2014. Tani, thotë Michael Crowley, një korrespodent i Times që udhëtoi me Blinken këtë javë, 80,000 trupat ruse mund të jenë pjesërisht një përpjekje për të forcuar pozicionin e Rusisë në bisedimet e paqes mbi rajonin Donetsk, duke i dhënë Putin më shumë kontroll mbi Ukrainën lindore.
Për SHBA dhe Bashkimin Evropian, trupat janë një sinjal se Rusia interesohet për Ukrainën më shumë sesa ata. SHBA dhe NATO aktualisht po zhvillojnë stërvitjen e tyre ushtarake në të gjithë Evropën Lindore, të quajtur Evropa Mbrojtëse, e cila përfshin 28,000 trupa.
Nuk është vetëm Ukraina
Vendosja e trupave gjithashtu duket se përmban një mesazh më të madh se vetëm Ukraina.
Është një shfaqje e forcës nga Putini pasi ai gjithashtu ndërmerr hapa për të shtypur lëvizjen protestuese të udhëhequr nga Aleksei Navalny, e cila ka frymëzuar më shumë mospajtim sesa Putini është përballur në vite. Dhe është një kujtesë për Biden se nëse ai bëhet shumë agresiv ndaj Rusisë, Putini mund t’i krijojë probleme atij.
Biden ka një axhendë ambicioze të politikës së jashtme, disa prej të cilave kanë pak të bëjnë me Rusinë dhe disa prej të cilave kërkojnë bashkëpunim rus, siç janë ndryshimi i klimës dhe programi bërthamor i Iranit. Një konflikt përshkallëzues mbi Ukrainën do t’i bënte të gjitha ato më të vështira.
“Putini është një mjeshtër i ngritjes së tensionit dhe pastaj zbutjes së tij,” na tha Roger Cohen, një korrespondent i vjetër i Times.
Duke u bërë më agresiv me Ukrainën, Putini mund t’i tregojë Biden dhe udhëheqësve të Evropës se ai ka fuqi mbi ta.
Dhe çfarë po bën Biden?
Biden ka përdorur disa fjalë të ashpra në lidhje me Putinin – duke e quajtur atë një vrasës – por politikat aktuale të Biden-it kanë qenë më të moderuara. Nga njëra anë, vizita e Blinken në Kiev ka qenë provokuese dhe muajin e kaluar SHBA vendosi sanksione ndaj Rusisë, në përgjigje të hakerimit dhe ndërhyrjeve të zgjedhjeve.
Por sanksionet nuk shkuan shumë larg asaj që SHBA mund të kishin vendosur. “Unë isha i qartë me Presidentin Putin se mund të kishim shkuar më tej, por unë zgjodha të mos e bëja këtë,” tha Biden kur i njoftoi ata.
Anton Troianovski, shefi i zyrës së The Times në Moskë, përshkruan strategjinë e Shtëpisë së Bardhë si “një qasje koreografike me kujdes të karotës dhe shkopit”. Lara Jakes, e cila mbulon Departamentin e Shtetit, tregon se Biden dhe Putin kanë njohur njëri-tjetrin për vite me rradhë dhe se marrëdhënia e tyre, karakterizohet nga “pragmatizëm dhe një parashikim i drejtë”.
Ndoshta qëllimi më i madh i Biden është të krijojë një marrëdhënie të qëndrueshme në të cilën Putini vendos që të ketë më shumë për të humbur sesa të fitojë nga konfrontimi. Dhe kjo nuk është e lehtë.
Përkthyer dhe përshtatur nga The New York Times/ konica.al
VAZHDO TË LEXOSH MË TEPËR PËR TEMËN
“Vdekja është mënyra e vetme për të hequr qafe një tiran”
“Me Rusinë, do jemi të ashpër!”
A do t’ia tregojë Biden vendin Putinit?
