MENU
klinika

arrestohet shpërndarësi, e pëson dhe blerësi i lëndës narkotike

Sekuestrohen 23 doza heroine në Korçë

16.05.2021 - 10:38

Policia e Korçës ka goditur një rast të shpërndarjes së drogave të forta, në doza të vogla.

Gjatë aksionit, blutë e Korçës ka sekuestruar 23 doza heroinë, ndërsa kanë arrestuar poseduesin e lëndës narkotike dhe proceduar penalisht blerësinë, i cili nuk i është bindur urdhrit për të ndaluar.

Njoftimi i policisë:

Specialistët për Hetimin e Trafiqeve të Paligjshme dhe Narkotikëve në Drejtorinë Vendore të Policisë Korçë, nën drejtimin e Prokurorisë Korçë, në vijim të punës për parandalimin, evidentimin dhe goditjen e veprimtarisë së paligjshme të prodhimit dhe shitjes së lëndëve narkotike, goditën një rast të shpërndarjes së tyre në doza të vogla, si rezultat i të cilit u bë kapja dhe arrestimi në flagrancë i shtetasit S. Ç., 32 vjeç (i dënuar më parë për veprën “Prodhimi dhe shitja e narkotikëve”) dhe filloi procedimi penal në gjendje të lirë për shtetasin O. K., 40 vjeç, banues në Korçë.

Në bazë të informacioneve të siguruara në rrugë policore, se në lagjen nr. 17, Korçë, një shtetas shpërndante lëndë narkotike të forta, janë organizuar shërbimet dhe kanë bërë të mundur lokalizimin e shtetasit S. Ç.

Ky shtetas, në banesën e tij, i kishte shitur shtetasit O. K., disa doza me lëndë të dyshuar narkotike heroinë, i cili sapo ka konstatuar ndërhyrjen e shërbimeve të policisë ka tentuar të largohet me vrap, duke mos iu bindur urdhrit të tyre për të ndaluar, por më pas u neutralizua.

Nga veprimet e mëtejshme procedurale, gjatë kontrollit të ushtruar në banesën e shtetasit S. Ç., u gjetën 23 doza me lëndë të dyshuar narkotike heroinë, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Korçë, për veprat penale “Prodhimi dhe shitja e narkotikëve”, “Mosbindja ndaj urdhrit të punonjësit të policisë së rendit publik”.

VAZHDO TË LEXOSH MË TEPËR PËR TEMËN


I dënuar me 12 vite burg për mashtrim

Arrestohet në Gjermani 39-vjeçari nga Korça


Arrestohet 35-vjeçari shpallet në kërkim vëllai i tij

Tentuan të kalonin kanabis me varkë

Qytetarët kërcejnë dhe shijojnë festën

Rama publikon pamje nga Karnavalet në Korçë

U takua me autorët e krimit në Elbasan dhe qëndruan bashkë në një hotel

U vra dhe u hodh në rezervuar, zbulohen lëvizjet e 25-vjeçarit