Duhet të stërviteni me stomakun bosh? Kjo varet. Shpesh rekomandohet që të stërviteni herë në mëngjes, para se të hani mëngjesin. Kjo besohet se ndihmon në humbjen e peshës. Sidoqoftë, stërvitja pas një vakti mund t’ju japë më shumë energji dhe të përmirësojë performancën tuaj.
Në stërvitjen me bark bosh, teoria është që trupi juaj ushqehet me yndyrë të depozituar dhe karbohidrate për energji në vend të ushqimit që keni ngrënë kohët e fundit, duke çuar në nivele më të larta të humbjes së yndyrës. Sipas “Healthline”, një studim i vitit 2016 pa se mes 12 burrave, ata që nuk hëngrën mëngjes para se të stërviteshin, digjnin më shumë yndyrë dhe ulnin marrjen e kalorive gjatë 24 orëve.
Nga ana tjetër, një studim i vitit 2014 me mbi 20 gra nuk gjeti ndryshime të rëndësisnme mes atyre që hanin ose jo para stërvitjes. Si pjesë e studimit, studiuesit matën peshën e trupit, përqindjen e dhjamit në trup dhe perimetrin e belit për katër javë. Në fund të studimit, të dy grupet u treguan se kishin humbur peshë trupore dhe masë dhjamore. Nevojiten hulumtime më të hollësishme për një periudhë më të gjatë kohore për të zgjeruar këto gjetje.
A është e sigurt të punosh me stomak bosh?
Ndërsa ka disa hulumtime për të mbështetur stërvitjen me stomak bosh, nuk do të thotë domosdoshmërisht se kjo është ideale. Kur ushtroheni me barkun bosh, mund të digjni burime të vlefshme energjie dhe të keni më pak qëndrueshmëri. Nivelet e ulëta të sheqerit në gjak mund t’ju lënë gjithashtu të ndiheni të lodhur apo të keni të përziera. Një mundësi tjetër është që trupi juaj të përshtatet duke përdorur vazhdimisht rezerva yndyre për energji dhe të fillojë të ruajë më shumë yndyrë se zakonisht.
Kur duhet të hani?
Lloji i aktivitetit që bëni mund të ndihmojë në përcaktimin nëse duhet të hani para stërvitjes. Për ushtrime të lehta ose me ndikim të ulët, të tilla si ecja, golfi, ose joga e butë, mund të mos keni nevojë të digjni paraprakisht.
Sidoqoftë, duhet të hani gjithmonë para ushtrimeve që kërkojnë shumë forcë, energji dhe durim. Kjo përfshin tenisin, vrapimin dhe notin. Është veçanërisht e rëndësishme nëse planifikoni të stërviteni për më shumë se një orë.
Ju rikujtojmë, ushtrimet pilates janë të lehta, por të dobishme për formën e trupit, formësimin e muskujve, tendosjen dhe eliminimin e shtresave yndyrore. Janë zgjedhje ideale nëse dëshironi që në mënyrë të shëndetshme të arrini gjendjen tuaj perfekte.
