Chrome së shpejti do të fillojë t’ju lajmërojë nëse keni vendosur të instaloni një shtesë të dyshimtë dhe ekziston një karakteristikë krejt e re për skanimin e shkarkimeve të rrezikshme.
Google po prezanton një numër karakteristikash të dobishme të sigurisë për Chrome që janë krijuar për t’i zbuluar sa më mirë shkarkimet dhe shtesat e rrezikshme. Ato vijnë si pjesë e grupit të ‘Enhanced Safe Browsing’, i cili filloi të paralajmëronte përdoruesit vitin e kaluar për faqet që përdorin ‘phishing’, shpjegon faqja amerikane mbi teknologjinë, The Verge.
Chrome do t’i paralajmërojë përdoruesit pas azhurnimit se shtesa që ata po instalojnë nuk është e “besueshme”. Për ta fituar statusin e besimit të shtrirjes, ai duhet të vijë nga një zhvillues që ka ndjekur rregullat e Politikave të Programit të Zhvilluesit të Google (Developer Program Policies) dhe i cili ka qenë aktiv për ‘të paktën disa muaj’. Kjo do të thotë që zhvilluesit e rinj, të paktën sipas certifikimit brenda aplikacionit, konsiderohen ‘jo të besueshëm’.
Nëse jeni duke shkarkuar një shtesë e cila për Google nuk është e besueshme, Chrome do të shfaqet në një dritare duke ju paralajmëruar ‘të vazhdoni me kujdes’ – edhe nëse ka ende një mundësi për të vazhduar instalimin. Google pretendon se dy të tretat e shtesave në koleksionin e tyre konsiderohen të besueshme. Më në fund, kompania deklaroi se aplikacionet ‘e pasigurta’ nuk duhet të jenë të rrezikshme, por se është një zhvillues që nuk ka zhvilluar për Google deri më tani ose që deri vonë ka qenë pjesë e një shkeljeje të vogël të rregullave të Google.
Chrome do të marrë gjithashtu një karakteristikë të re për t’i skanuar shkarkimet e dyshimta. Shkarkimet në të ardhmen, nëse duken ‘të rrezikshme, por jo plotësisht të pasigurta’, ofrojnë një mundësi për t’u dërguar në serverat e Google për skanim më të detajuar. Ky proces mund të anashkalohet por ofron një shtresë shtesë mbrojtjeje nëse shkarkoni të dhëna nga web faqja. Opsionet e reja të skanimit ofrohen së bashku me kontrollet ekzistuese të metadatave (një tërësi e të dhënave që përshkruan dhe jep informacion në lidhje me të dhënat e tjera) të përfshira me Chrome.
Kompania shton se karakteristikat e reja do të prezantohen gradualisht si pjesë e Chrome 91, versioni të cilin Google e lansoi muajin e kaluar.
VAZHDO TË LEXOSH MË TEPËR PËR TEMËN
