Kryetari i bashkisë së Vlorës, Dritan Leli ka refuzuar sërish mbledhjen e Këshillit Bashkiak duke kërkuar që mbledhja të zhvillohet online.
Këshilli Bashkiak kërkoi mbledhje urgjente pas kërkesës së kryebashkiakut për të shkarkuar nga detyra sekretarin e përgjithshëm të këshillit, Agron Gjipali, me argumentin se ka mbushur moshën e pensionit.
Shkresa e kryebashkiakut Leli i kërkonte anëtarëve të këshillit bashkiak të Vlorës të zgjedhin një sekretar të ri të përgjithshëm, për t’i dhënë hapësirë moshës së re. Por nga ana e tij, Leli thotë se vendimi qe kane sjelle keshilltaret per ta rikonfirmuar sekretarin është i pakuptimtë.
“Vendimi që është sjellë sot është një vendim i pakuptimtë. Bëhet fjalë për një rikonfikrim të zotit Agron Gjipali në detyrën e sekretarit të këshillit bashkiak dhe refuzimi i shkresës së kryetarit. Shkresa e kryetarit të bashkisë njofton Këshillin Bashkiak për fillimin e ndërprerjes së punës së Gjipalit për përfitimin e pensionit”, tha ndër të tjera Leli.
Më tej, kryebashkiaku argumenton: “Dua të sqaroj opinionin publik, në këtë mbledhje jashtë radhe online, se sekretari i Këshillit Bashkiak, edhe pse i emëruar nga Keshilli i Bashkisë nuk ka statusin e anëtarit të këshillit që zgjidhet nga populli. Funksionet e tij janë administrative dhe pozicioni nuk ka mandat kohor. Marrëdhëniet e sekretarit rregullohen nga legjislacioni i punës. Më poshtë, do të gjeni të gjithë shpjegimin e nevojshëm, referuar çdo hallke ligjore, lidhur me këtë rast”
Ndërkohë sipas këshilltarëve, Gjipali duhet të qëndrojë në detyrë, derisa të gjendet një profesionist i ri, që mund ta zëvendësojë dhe jo të pushohet nga detyra menjëherë.
VAZHDO TË LEXOSH MË TEPËR PËR TEMËN
Dritan Leli refuzon ftesën e Ramës për të qenë kandidat për deputet
