Një krim i rëndë në familje ka tronditur qytetin e Shkodrës. Mësohet se vëllai ka vrarë me arme zjarri motrën e tij. Viktima është Diana Vuka, ndërsa në pranga është vënë vëllai i saj, Fabian Vuka.
Bëhet e ditur se gruaja rreth 58 vjeç kishte ardhur për pushime në Shkodër, pasi prej kohësh jetonte në Gjermani.
Autori Fabian Vuka njihet si një person i alkoolizuar, por ende nuk dihet nëse në momentin e krimit kishte konsumuar alkool apo jo.
Motivet për ngjarjen janë ende të paqarta, ndërsa policia po punon për zbardhjen e krimit.
Shkodër/ Informacion paraprak
Rreth orës 22:30, në lagjen “Ndoc Mazi”, Shkodër, në banese është gjetur e pa shenja jete shtetasja D. V. 58 vjeçe.
Nga veprimet e para hetimore dyshohet se është vrarë me armë zjarri nga vellai i saj shtetasi F. V., 55 vjeç, i cili është shoqëruar në ambientet e Komisariatit të Policisë Shkodër për veprime të mëtejshme.
Grupi hetimor, nën drejtimin e Prokurorisë po vijon punën për sqarimin e plotë të rrethanave të ngjarjes.
Shefi i komisariatit të Policisë Shkodër, Paulin Çupi ka dhënë detaje të reja në lidhje me krimin në familje, ku vëllai vrau me armë zjarri motrën e tij.
Sipas tij, gruaja prej dy ditësh kishte humbur kontaktet me njerëzit e saj të afërm dhe pas denoncimit jane ushtruar kontrolle në banesë e saj, ku edhe u gjet e vrarë.
Çupi sqaron se autori i dyshuar i krimit, vëllai i 58 vjecares u arrestua ne zonën rreth shtëpisë.
“Rreth orës 22:30 është marrë një telefonatë që shtetasja Diana Vuka ka humbur kontaktet me familjarët. Kemi organizuar shërbimet e policisë, verifikimi i parë është bërë në banesën e kësaj shtetase dhe është konstatuar e pajetë, Diana Vuka.
Është ushtruar kontrolli dhe në zonën rreth shtëpisë është ndaluar vëllai i saj, Fabian Vuka, autori i dyshuar. Po kryhen veprimet, kemi të bëjmë me një krim brenda familjes. Diana Vuka është emigrante në Gjermani dhe kishte 2-3 ditë që kishte ardhur”, tha Çupi.
Shefi i policisë tha se dyshohet se vrasja mund të ketë ndodhur me armë silenciator dhe se krimi mund te jetë kryer nje dite me parë.
VAZHDO TË LEXOSH MË TEPËR PËR TEMËN
Zbulohen detajet, pse e mbyti djali nënën
Detajet/ Ekzekutohet Jurgen Kurti, VIP-i i lidhur me dy vrasje
Vettingu në polici/ Tani efektivët duhet të deklarojnë edhe…
