Vjena mirëpret vendimin e Uashingtonit për të braktisur sanksionet e mëtejshme kundër kompanive të përfshira në ndërtimin e tubacionit të gazit Nord Stream 2 nga Rusia në Evropë, tha për TASS kancelari austriak Sebastian Kurz.
Sipas kancelarit, i cili do të flasë në seancën plenare të Forumit Ekonomik të Shën Petersburg përmes video lidhje të Premten, projekti i gazit rus përputhet me interesat ekonomike të Vjenës.
“Unë jam shumë i kënaqur që Shtetet e Bashkuara nuk kërcënojnë më kompanitë që marrin pjesë në projektin Nord Stream 2 me sanksione. Ne, si Gjermania, vazhdojmë të mbështesim Nord Stream 2, sepse kjo është në interesat tona ekonomike”, shpjegoi Kurz.
Ai gjithashtu vuri në dukje se Nord Stream 2 do të ndihmojë në diversifikimin e rrugëve evropiane të furnizimit me energji, e cila kontribuon në “sigurimin e sigurisë energjetike të Evropës”.
Presidenti i SHBA Joe Biden tha muajin e kaluar se është tepër vonë për të ndaluar tubacionin Nord Stream 2 që lidh Rusinë dhe Gjermaninë, duke shtuar se do të ishte “joproduktive” të sanksiononte aleatët mbi projektin ndërsa ai është afër përfundimit.
/Marrë nga Russian Today
VAZHDO TË LEXOSH MË TEPËR PËR TEMËN
“Nord Stream 2 i Rusisë është i besueshëm për Evropën”
“Gazsjellësi rus tregon mungesë solidariteti në Europë”
“Macroni është i vetmuar, por ajo që çudit me veprimet e tij është…”
