Bota e futbollit ka edhe një tjetër Ibrahimovic tashmë, madje është me origjinë shqiptare dhe po rritet te Bayern Munchen. Nuk është shaka, në radhët e bavarezëve që nga sot është nën urdhërat e Julian Nagelsmann edhe një djalosh shqiptar i cili quhet Arijon Ibrahimovic.
Ai ka mahnitur në edicionin e fundit me fanellën e skuadrës U-17 të Bayern si një mesfushor ofensiv, pasi ka regjistruar 20 gola e 17 asiste. Shifra që nuk kanë kaluar pa u vënë re nga trajneri i ri i bavarezëve, i cili ka vendosur të shohë nga afër talentin të ri, i cili është ende vetëm 15 vjeç.
Arijon Ibrahimovic është rritur në Nurenberg në një familje me origjinë nga Kosova dhe është shfaqur sot në seancat stërvitore të Bayern, i monitoruar me kujdes nga Nagelsmann dhe stafi i tij, i cili po përgatit një listë me emra që do t’i ketë vazhdimisht në stërvitje.
Djaloshi shqiptar është regjistruar në këtë edicion si pjesë e ekipit U-19 pasi te bavarezët të gjithë janë të bindur se ai mund të djegë shpejt etapat, ndaj kjo provë përpara syve të Nagelsman mund të jetë shumë e rëndësishme për të ardhmen e tij.
VAZHDO TË LEXOSH MË TEPËR PËR TEMËN
Dy futbollistët kuqezi në formacionin e javës
