Çdo lëvizje e njërit apo tjetrit, krijon efekt domino në merkato. Kështu është edhe qëndrimi i Harry Kane te Tottenham. Sulmuesi anglez ishte synimi kryesor i Manchester City-t.
Dhe menjëherë sytë kthehen te një sulmues tjetër, Cristiano Ronaldo. Menaxheri i tij, Jorge Mendes, është duke bërë përpjekje ta dërgojë portugezin te kampioni i Premier League, por klubi duhet t’i plotësojë tri kushte për ta blerë atë.
Marrëveshja e Ronaldos me Juventusin mbaron në verën e vitit 2022, por 36-vjeçari po bën trysni të largohet tani, megjithëse klubi këmbëngul se ai asnjëherë nuk e ka kërkuar largimin.
Cristiano Ronaldo situation ⚪️🇵🇹
He wanted to “look for potential new options”.
PSG are currently not interested.
Mendes contacted Manchester City but Juve want €25m and #MCFC have NO intention to pay any fee. “Complicated”.
Juve are still convinced that Cristiano will stay. pic.twitter.com/zGTF5Bymtp
— Fabrizio Romano (@FabrizioRomano) August 24, 2021
Mediat italiane raportojnë se Manchester City është klubi i vetëm që ka shprehur interesim për ta blerë Ronaldon, por koha po ikën për gjigantin anglez për arritjen e një marrëveshjeje.
Afati kalimtar i verës mbyllet me 31 gusht, por kjo nuk është e vetmja gjë që e bën të vështirë marrëveshjen. Sky Sport Italia raporton se City nuk dëshiron ta paguajë Juventusin për Ronaldon, ndërsa gjiganti italian i kërkon rreth 30 milionë euro për ta liruar portugezin.
Si alternativë, Juventus është i hapur ta marrë Gabriel Jesusin në një marrëveshje shkëmbimi, por City nuk dëshiron ta largojë brazilianin. Skuadra e Pep Guardiolës duhet ta shesë ndonjë futbollist për ta marrë Ronaldon dhe, sipas mediave italiane, Sterling mund të largohet, por, përsëri, City nuk ka mjaftueshëm kohë për ta shitur anglezin.
VAZHDO TË LEXOSH MË TEPËR PËR TEMËN
Harry Kane merr vendimin përfundimtar mbi të ardhmen
Cristiano Ronaldo braktis stërvitjen në mes
